Paris Sen-Jermenin “fanboy” hücumçuları – Neymar və Mbappé

G-Dragonun şəxsi brendi Peaceminusone və Nike-ın birlikdə əməkdaşlığı ilə hazırlanmış “Para-Noise” ayaqqabıları satışa çıxdıqdan qısa müddət sonra bütün ölkələrdə tükənmişdi. Bir çox koreyalı və xarici məşhurlar da həmin ayaqqabılardan alaraq, yeni trendə qoşulmağa başlamışdılar.

“Para-Noise” ayaqqabıları artıq futbol sahəsində də məşhurlaşmağa başlayıb. Belə ki, dünyaca məşhur futbolçular da G-Dragonun dizayn etdiyi ayaqqabılardan alıb.

Ayaqqabıları alan futbolçular arasında ən çox diqqət çəkənlər isə Paris Sen-Jermen(Paris Saint Germain) klubunun hücumçuları və dünyaca məşhur futbolçular olan Neymar və Kylian Mbappé olub.

Hər iki məşhurun da satın aldığı ayaqqabılar isə “Para-Noise”-un ilk versiyasıdır. Ayaqqabıların satışa çıxdıqdan qısa müddət sonra bütün dünyada tükənməsini nəzərə alaraq deyə bilərik ki, bu ayaqqabıları səbrsizliklə gözləyənlər tək K-Pop fanatları deyilmiş.