Aprelin 28-i Olive’s ‘Everyone’s Kitchen’ verlişinin yayımı zamanı Kim Çunqha (Kim Chung Ha) keçmiş əziyyətləri haqqında danışdı.

Kvanqhi (Kwanghee) ondan soruşdu: “Təcrübəçi vaxtlarının ən ağır hissəsi nə idi?” Çunqha cavab verdi ki, “Yanlış ümid.” O, izah etdi: “Mən elə düşünürdüm ki, əgər aylıq qiymətləndirmələrdə özümü yaxşı göstərsəm daha tez debüt edəcəm amma eyni rejim yenə və yenə təkrar olunurdu. Mən bilmirdim nə vaxt çıxarılacam və bu, çox pis narahatçılıq hissi idi.”

Kim Çunqha bildirdi ki, o, çətin zamanlarında dostlarına müraciət edirdi. O əlavə etdi ki, “Mən hələ də IOI üzvləri ilə çox yaxınam. Hətta dünən onlarla görüşmüşəm.”